വിഴിഞ്ഞം: വാക്കുതര്‍ക്കത്തിനിടയില്‍ ബിയര്‍ കുപ്പി കൊണ്ട് യുവാവിനെ കുത്തിപ്പരുക്കേല്‍പ്പിച്ച കേസില്‍ രണ്ടുപേരെ വിഴിഞ്ഞം പൊലിസ് അറസ്റ്റു ചെയ്തു. വിഴിഞ്ഞം കരിമ്പള്ളിക്കര സ്വദേശികളായ റോബിന്‍സണ്‍ (44), പുഷ്പരാജന്‍ (42) എന്നിവരൊണ് അറസ്റ്റിലായത്. ബിയര്‍കുപ്പികൊണ്ടുള്ള ആക്രമണത്തില്‍ കവിളിനും ദേഹത്തും സാരമായി പരുക്കേറ്റ കരിമ്പള്ളിക്കര സ്വദേശി ആന്റണി (31)യെ ആദ്യം വിഴിഞ്ഞം ആശുപത്രിയിലും അവിടെ നിന്ന് മെഡിക്കല്‍ കോളജ് ആശുപത്രിയിലും പ്രവേശിപ്പിച്ചു. കഴിഞ്ഞ ദിവസം രാത്രി ഒന്‍പതരയോടെ വിഴിഞ്ഞം ഫിഷ് ലാന്റിംഗ് സെന്ററിന് സമീപത്ത് വച്ചാണ് കുത്തേറ്റത്. ആന്റണിയുടെ സുഹൃത്തുമായി പ്രതികള്‍ നടത്തിയ വാക്കുതര്‍ക്കം പരിഹരിക്കാന്‍ ശ്രമിക്കുന്നതിനിടയിലാണ് ഇയാള്‍ക്ക് നേരെ ആക്രമണമുണ്ടായതെന്ന് പൊലിസ് അറിയിച്ചു.