തിരുവനന്തപുരം: കൊവിഡ് - 19 പ്രതിരോധത്തിന്റെ ഭാഗമായി ജില്ലാ മെഡിക്കല്‍ ഓഫിസുകള്‍ക്കും പ്രാഥമിക ആരോഗ്യ കേന്ദ്രങ്ങള്‍ക്കും സൗജന്യമായി സാനിറ്റൈസര്‍ വിതരണം ചെയ്യും. ഘട്ടം ഘട്ടമായി അരലക്ഷത്തോളം സാനിറ്റൈസര്‍ വിതരണം ചെയ്യാനാണ് തീരുമാനം. ആവശ്യക്കാരായ ജില്ലാ മെഡിക്കല്‍ ഓഫിസുകളും പ്രാഥമിക ആരോഗ്യ കേന്ദ്രങ്ങളും 9633182000 എന്ന നമ്പറില്‍ ബന്ധപ്പെട്ടാല്‍ മതിയാകും. കേരള ഫാര്‍മസ്യൂട്ടിക്കല്‍ മാനുഫാക്‌ചേഴ്‌സ് അസോസിയേഷനാണ് സാനിറ്റൈസര്‍ നിര്‍മിച്ച് നല്‍കുന്നത്. പൊലിസിനും സാനിറ്റൈസറും മാസ്‌കും കെ.പി.എം.എ നല്‍കിയിട്ടുണ്ട്.