മംഗളൂരു: കോണ്‍ഗ്രസ് ജെ.ഡി.എസ് സഖ്യത്തിലുള്ള കര്‍ണാടക സര്‍ക്കാര്‍ അഞ്ചുവര്‍ഷം പൂര്‍ത്തിയാക്കുമെന്നും മറിച്ചുള്ള പ്രചാരണങ്ങള്‍ക്ക് അടിസ്ഥാനമില്ലെന്നും എ.ഐ.സി.സി സെക്രട്ടറി കെ.സി വേണുഗോപാല്‍. ഇന്നലെ മംഗളൂരുവില്‍ മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം. ഭരണം മറിച്ചിടാന്‍ ബി.ജെ.പി ചില എം.എല്‍.എമാരെ സ്വാധീനിക്കാന്‍ ശ്രമിച്ചെങ്കിലും കോണ്‍ഗ്രസ് എം.എല്‍.എമാര്‍ അവരുടെ വാഗ്ദാനങ്ങളില്‍ കുടുങ്ങിയില്ലെന്നും വേണുഗോപാല്‍ പറഞ്ഞു. മന്ത്രി യു.ടി ഖാദര്‍, ഐവന്‍ ഡിസൂസ, രാമനാഥ് റൈ, ഭാസ്‌കര്‍ മൊയ്‌ലി എന്നിവരും വേണുഗോപാലിനൊപ്പം ഉണ്ടായിരുന്നു.