റിയാദ്: കൊവിഡ് 19 വൈറസ് ബാധയെക്കുറിച്ചു വ്യാജ വാർത്ത പ്രചരിപ്പിച്ചയാളെ സഊദി പോലീസ് പിടികൂടി. സോഷ്യൽ മീഡിയ വഴി വ്യാജ വാർത്തകളും അഭ്യൂഹങ്ങളും നിർമ്മിച്ച് പ്രചരണം നടത്തുകയായിരുന്നു ഇയാളെന്നാണ് വിവരം. ഇയാ​ളെ ചോ​ദ്യം​ചെ​യ്​​തെ​ന്നും മു​ഴു​വ​ൻ കേ​സ്​ രേ​ഖ​ക​ളും ബ​ന്ധ​പ്പെ​ട്ട കോ​ട​തി​ക്ക്​ കൈ​മാ​റി​യെ​ന്നും പ​ബ്ലി​ക്​ ​​ പ്രോ​സി​ക്യൂ​ഷ​ൻ വൃ​ത്ത​ങ്ങ​ൾ പ​റ​ഞ്ഞു. 
       സമൂഹത്തിൽ ഭീതിയുളവാക്കുന്ന കൊവിഡ് 19 വൈറസ് സംബന്ധമായി വ്യാജ വാർത്തകൾ പ്രചരിപ്പിക്കുന്നതിനെതിരെ നേരത്തെ തന്നെ സഊദി പബ്ലിക് പ്രോസിക്യൂഷൻ മുന്നറിയിപ്പ് നൽകിയിരുന്നു. ഇത്തരത്തിൽ വ്യാജ വാർത്തകൾ  പ്രചരിപ്പിക്കുന്നവർക്കെതിരെ അ​ഞ്ചു​ വർ​ഷം വ​രെ ജ​യി​ൽ​ശി​ക്ഷ​യും 30 ല​ക്ഷം റി​യാ​ൽ പി​ഴ​യും ചു​മ​ത്താ​നുമാണ് നിർദേശം. കൂടാതെ, കു​റ്റ​കൃ​ത്യ​ത്തി​ന്​ ഉ​പ​യോ​ഗി​ച്ച ഉ​പ​ക​ര​ണ​ങ്ങ​ൾ ക​ണ്ടു​കെ​ട്ടാ​നും കു​റ്റം തെ​ളി​ഞ്ഞാ​ൽ പ്രതിയുടെ ചിലവിൽ തന്നെ കോ​ട​തി വി​ധി പ​ര​സ്യ​പ്പെ​ടു​ത്താ​നും നിർദേശമുണ്ട്. വ്യാജ വാർത്തകൾ വ്യാപകമാകുന്നതിനാൽ ഔദ്യോഗിക സോഴ്‌സുകളിൽ നിന്ന് മാത്രമേ വാർത്തകൾ സ്വീകരിക്കാവൂ എന്നും അധികൃതർ മുന്നറിയിപ്പ് നൽകിയിട്ടുണ്ട്.