ജിദ്ദ: കൊവിഡ് ഏല്‍പിക്കുന്ന മാനുഷിക, സാമ്പത്തിക ആഘാതങ്ങള്‍ ചര്‍ച്ച ചെയ്യാനും നടപടികള്‍ സ്വീകരിക്കാനും ജി20 രാജ്യങ്ങളുടെ അടിയന്തര വിര്‍ച്വല്‍ യോഗം അടുത്തയാഴ്ച ചേരുമെന്ന് അധ്യക്ഷ സ്ഥാനത്തുള്ള സഊദി അറേബ്യ അറിയിച്ചു. വിഡിയോ കോണ്‍ഫറന്‍സിങ് വഴിയുള്ള അസാധാരണ യോഗം ചേരുന്നതു സംബന്ധിച്ച അറിയിപ്പ് അംഗരാജ്യങ്ങള്‍ക്ക് നല്‍കിയിട്ടുണ്ട്.
ലോകാരോഗ്യ സംഘടന ആഗോള മഹാമാരിയായി പ്രഖ്യാപിച്ച കൊവിഡിന്റെ ആഘാതം തടയുന്നതിനുള്ള അടിയന്തര നടപടികള്‍ അന്താരാഷ്ട്ര സംഘടനകളുമായി ചേര്‍ന്ന് സ്വീകരിക്കും.
ജനങ്ങളുടെ ജീവനും ആഗോള സമ്പദ്ഘടനയും രക്ഷിക്കുന്നതിനുള്ള നയങ്ങള്‍ ജി20 മുന്നോട്ടുവയ്ക്കും.