ന്യൂഡല്‍ഹി: കൊറോണ വൈറസ് പടരുന്ന പശ്ചാത്തലത്തില്‍ പരീക്ഷകള്‍ മാറ്റിവയ്ക്കാന്‍ സര്‍വകലാശാലകള്‍ക്ക് യു.ജി.സിയുടെ നിര്‍ദേശം. മാര്‍ച്ച് 31 വരെ പരീക്ഷകള്‍ മാറ്റിവയ്ക്കാനാണ് നിര്‍ദേശം.

രാജ്യത്തെ എല്ലാ ഉന്നത വിദ്യാഭ്യാസ സ്ഥാപനങ്ങളും പരീക്ഷകള്‍ മാര്‍ച്ച് 31ന് ശേഷം പുന:ക്രമീകരിക്കണമെന്ന് യു.ജി.സി പുറത്തിറക്കിയ സര്‍ക്കുലറില്‍ പറയുന്നു.

മൂല്യനിര്‍ണയവും മാര്‍ച്ച് 31ന് ശേഷം മതിയെന്നും നിര്‍ദേശമുണ്ട്.