അശ്‌റഫ് കൊണ്ടോട്ടി #

നിപാ വൈറസിനെത്തുടര്‍ന്ന് ഏര്‍പ്പെടുത്തിയ കയറ്റുമതി വിലക്കാണ് ഇപ്പോഴും തുടരുന്നത്

കൊïോട്ടി: നിപാ വൈറസിനെ തുടര്‍ന്ന് കേരളത്തില്‍ നിന്ന് സഊദി അറേബ്യയിലേക്കുള്ള പഴം-പച്ചക്കറി കാര്‍ഗോ കയറ്റുമതി വിലക്ക് ഇതുവരെ നീക്കിയില്ല. സംസ്ഥാനം നിപാ വൈറസ് മുക്തമായി പ്രഖ്യാപിച്ചതോടെ കേരളത്തില്‍ നിന്നുള്ള കാര്‍ഗോ ഉല്‍പന്നങ്ങള്‍ക്കുള്ള നിരോധനം സഊദി അറേബ്യ ഒഴികെയുള്ള മുഴുവന്‍ രാജ്യങ്ങളും പിന്‍വലിച്ചിരുന്നു. എന്നാല്‍ കഴിഞ്ഞ മെയ്മുതല്‍ തുടരുന്ന കാര്‍ഗോ കയറ്റുമതി നിയന്ത്രണം സഊദി അറേബ്യ ഇതുവരെ പിന്‍വലിച്ചിട്ടില്ല.

ഇതിനെ തുടര്‍ന്ന് കോയമ്പത്തൂര്‍ വിമാനത്താവളത്തില്‍ നിന്ന് കസ്റ്റംസ് പരിശോധനകള്‍ പൂര്‍ത്തിയാക്കിയാണ് കരിപ്പൂരില്‍ നിന്നടക്കം സഊദിയിലേക്ക് പച്ചക്കറികള്‍ കയറ്റി അയക്കുന്നത്.

കൊച്ചിയില്‍ നിന്ന് സഊദി എയര്‍ലെന്‍സും എയര്‍ഇന്ത്യയും കരിപ്പൂരില്‍ നിന്ന് സഊദി എയര്‍ലെന്‍സും ദിനേന സര്‍വിസുകള്‍ നടത്തുമ്പോഴും ഇവിടെ കസ്റ്റംസ് പരിശോധന കഴിഞ്ഞ് ഉല്‍പന്നങ്ങള്‍ വിമാനത്തില്‍ അയക്കാന്‍ അനുമതിയില്ല. നിലവില്‍ തമിഴ്‌നാട്ടിലെ പച്ചക്കറികള്‍ ആ സംസ്ഥാനത്തിന്റെ പേരിലാണ് കേരളത്തില്‍ നിന്ന് അയക്കുന്നത്. കോയമ്പത്തൂരില്‍ പരിശോധന കഴിഞ്ഞ് ട്രക്കുകളില്‍ കരിപ്പൂരിലും കൊച്ചിയിലുമെത്തിച്ചാണ് കാര്‍ഗോ ഇത്തരത്തില്‍ സഊദിയിലേക്ക് അയക്കുന്നത്. ഇത് കയറ്റുമതിക്കാര്‍ക്ക് കനത്ത നഷ്ടമാണുïാക്കുന്നത്.
സഊദിയിലേക്കുള്ള കാര്‍ഗോ നിയന്ത്രണം പിന്‍വലിക്കണമെന്ന് കയറ്റുമതിക്കാരും കേരള സ്‌റ്റേറ്റ് ഇന്റസ്ട്രിയല്‍ എന്റര്‍ പ്രൈസസും നിരവധി തവണ ആവശ്യപ്പെട്ടെങ്കിലും നടപ്പിലായിട്ടില്ല. കരിപ്പൂരില്‍ നിന്ന് ജിദ്ദയിലേക്ക് വലിയ വിമാന സര്‍വിസുകള്‍ വര്‍ധിക്കുമ്പോഴും കേരളത്തിലെ പച്ചക്കറികള്‍ അയക്കാന്‍ കഴിയാത്ത അവസ്ഥയാണ്. ഒരു വിമാനത്തില്‍ 12 മുതല്‍ 15 ടണ്‍വരെ വരെ കാര്‍ഗോ കയറ്റാനാകുമെങ്കിലും നിയന്ത്രണം മൂലം ഇതിന് കഴിയാതെ വരികയാണ്. നേരത്തെ മലബാറിലെ നാടന്‍ പച്ചക്കറികളും പഴങ്ങളും യഥേഷ്ടം സഊദിയിലേക്ക് കയറ്റി അയച്ചിരുന്നു.