ചേളാരി: പി.കെ പാറക്കടവിന്റെ പ്രശസ്ത 'ഇരട്ട മിഠായികൾ' എന്ന  ചെറുകഥാ സമാഹാരത്തിലെ 16  ചെറുകഥകൾ അറബിയിലേക്ക് വിവർത്തനമൊരുക്കി മലപ്പുറം ചേളാരി സ്വദേശി ഹാരിസ് വാഫി. 

 

 

ലണ്ടൻ ആസ്ഥാനമായിപ്രവർത്തിക്കുന്ന. അറബി പത്രം ' അൽ അറബി അൽ ജദീദ്‌ പത്രം ഇവ പ്രസിദ്ധീകരിക്കുകയും ചെയ്തു.  

 

കുണ്ടൂര്‍ മര്‍ക്കസ്, കാവനൂര്‍ മജ്മഅ് എന്നിവിടങ്ങളില്‍ നിന്നായി വാഫി പഠനം പൂര്‍ത്തിയാക്കിയ ഹാരിസ് വാഫി പോണ്ടിച്ചേരി സെന്‍ട്രല്‍ യൂണിവേഴ്‌സിറ്റിയില്‍ നിന്ന് ഇന്റര്‍നാഷണല്‍ റിലേഷന്‍സില്‍ ബിരുദാനന്തര ബിരുദവും നേടിയിട്ടുണ്ട്. പ്രശസ്ത ഈജിപ്ഷ്യന്‍ എഴുത്തുകാരന്‍ അഷ്‌റഫ് അബ്ദുല്‍ യസീദിന്റെ പ്രസിദ്ധ നോവല്‍ 'ഹദീഖത്തുല്‍ ഹല്‍ഫിയ്യ' ഇംഗ്ലീഷിലേക്ക് പരിഭാഷപ്പെടുത്തിയിട്ടുള്ള ഇദ്ദേഹത്തിന്റെ ലേഖനങ്ങള്‍ നിരവധി അന്താരാഷ്ട്ര ജേണലുകളിലും  പ്രസിദ്ധീകരിച്ചിട്ടുണ്ട്.  ഉമര്‍ മുസ്ലിയാര്‍, ഖദീജ ദമ്പതികളുടെ മകനാണ്,ഭാര്യ  ലാസിമ ശിംന. നിലവില്‍ കുണ്ടൂര്‍ മര്‍കസ് അധ്യാപകനാണ്.