തൊഴിയൂര്‍: സമസ്ത കേരള ജംഇയ്യത്തുല്‍ മുഅല്ലിമീന്‍ തൃശൂര്‍ ജില്ലാ ഇസ്‌ലാമിക കലാമേള സമാപിച്ചു. തൊഴിയൂര്‍ ദാറുറഹ്മ കാംപസില്‍ ശൈഖുനാ തൊഴിയൂര്‍ ഉസ്താദ് നഗറില്‍ നടന്ന ചടങ്ങ് എസ്.കെ.ജെ.എം ജില്ലാ പ്രസിഡന്റ് പി.ടി കുഞ്ഞുമുഹമ്മദ് മുസ്‌ലിയാര്‍ അധ്യക്ഷനായി.
എസ്.വൈ.എസ് ജില്ലാ സെക്രട്ടറി എന്‍.പി അബ്ദുല്‍ കരീം ഫൈസി ഉദ്ഘാടനം ചെയ്തു. തോട്ടുമുക്കം ഇസ്മായില്‍ സഖാഫി മുഖ്യപ്രഭാഷണം നിര്‍വഹിച്ചു. ശാഖാ,റെയ്ഞ്ച്, മേഖല തലങ്ങള്‍ക്ക് ശേഷം നടന്ന ജില്ലാ തല മത്സരത്തില്‍ അഞ്ച് മേഖലകളിലായി 25 റെയ്ഞ്ചുകളിലെ അഞ്ഞൂറില്‍പരം മദ്‌റസകളില്‍ നിന്നായി നിരവധി വിദ്യാര്‍ഥികളും അധ്യാപകരും മാറ്റുരച്ചു. 123 പോയിന്റ് നേടി വാടാനപ്പള്ളി മേഖലാ ഒന്നാം സ്ഥാനവും 103പോയിന്റ് നേടി കൊടുങ്ങല്ലൂര്‍ മേഖല രണ്ടാം സ്ഥാനവും 85 പോയിന്റ് നേടി ചാവക്കാട് മേഖല മൂന്നാം സ്ഥാനവും നേടി. വൈകിട്ട് ആറ് മണിക്ക് നടന്ന സമാപന സമ്മേളനം സമസ്ത കേന്ദ്ര മുശാവറ അംഗം ചെറുവാളൂര്‍ ഹൈദ്രോസ് മുസ്‌ലിയാര്‍ ഉദ്ഘാടനം ചെയ്തു.  എസ്.കെ.ജെ.എം ജില്ലാ ജനറല്‍ സെക്രട്ടറി വി.എം ഇല്യാസ് ഫൈസി അധ്യക്ഷനായി. എസ്.എം.എഫ് ജില്ലാ സെക്രട്ടറി ഹംസ ബിന്‍ ജമാല്‍ റംലി സമ്മാനദാനം നിര്‍വഹിച്ചു.  ശറഫുദ്ധീന്‍ മൗലവി വെന്മേനാട്, ഹംസ മുസ്‌ലിയാര്‍ ചേറ്റുവ, മുസ്തഫ മൗലവി നാട്ടിക, ജലീല്‍ മൗലവി, സുലൈമാന്‍ ഫൈസി, ശമീര്‍ അന്‍വരി, സുലൈമാന്‍ മൗലവി, മൊയ്തീന്‍ കുട്ടി മൗലവി, പി.വി മൊയ്തീന്‍ മുസ്‌ലിയാര്‍, ജഅഫര്‍ മൗലവി, സുലൈമാന്‍ ദാരിമി, ജഅഫര്‍ മാസ്റ്റര്‍, കബീര്‍ ഫൈസി, കരീം മൗലവി കൊടുങ്ങല്ലൂര്‍, സിദ്ധീഖ് ബദ്‌റി, നാസിഫ് ചാവക്കാട്,ബിലാല്‍ തൊഴിയൂര്‍,സി.എച്ച്.യം ഫൈസല്‍ ബദരി, സുലൈമാന്‍ ഫൈസി തൊഴിയൂര്‍ എന്നിവര്‍ സംസാരിച്ചു.