ബോവിക്കാനം: ഒളിയത്തടുക്കയില്‍ വീണ്ടും കാട്ടാനക്കൂട്ടത്തിന്റെ പരാക്രമം. തിങ്കള്‍ പുലര്‍ച്ചെ 3.30 ഓടെ ഇറങ്ങിയ ആനക്കൂട്ടം വ്യാപകമായി കാര്‍ഷിക വിളകള്‍ നശിപ്പിച്ചു. ഒളിയത്തടുക്കയിലെ മാധവന്‍, വിശ്വന്‍, വിനേഷ് എന്നിവരുടെ തെങ്ങ്, വാഴ എന്നിവ നശിപ്പിച്ചു.ആനക്കൂട്ടം കാടിറങ്ങി ജനാവാസ മേഖലയിക്ക് സമീപത്തുള്ള വനത്തില്‍ തമ്പടിച്ചിരുന്നതിനാല്‍ പുലര്‍ച്ചെ മൂന്ന് വരെ നാട്ടുകാര്‍ കാവലിരുന്നിരുന്നു.
എന്നാല്‍ ഈ സമയത്തേന്നും ആനകള്‍ കൃഷിയിടത്തിലിറങ്ങാതെ നാട്ടുകാര്‍ തിരിച്ചു പോയതിനു ശേഷമാണ് തോട്ടത്തിലിറങ്ങി കൃഷികള്‍ നശിപ്പിച്ചത്. ഒരാഴ്ച്ച മുന്‍പും ഈ പ്രദേശങ്ങളില്‍ കാട്ടാന ഇറങ്ങിയിരുന്നു. രാത്രികാലങ്ങളില്‍ വിണ്ടും കാട്ടാനക്കൂട്ടം ജനവാസ കേന്ദ്രങ്ങളിലിറങ്ങുമെന്ന ഭീതിയില്ലാണ് നാട്ടുകാര്‍.
ആനക്കൂട്ടം കൃഷിയിടങ്ങളിലിറങ്ങുമെന്ന ഭയത്തേ തുടര്‍ന്ന് നാട്ടുകാര്‍ രാത്രി ഏറെ വൈകിയും തോട്ടങ്ങളില്‍ കാവലിരിക്കുകയാണ്.