വടക്കാഞ്ചേരി: കുപ്രസിദ്ധ മോഷ്ടാവ് പാലാരിവട്ടം കോച്ചാപ്പിള്ളി വീട്ടിൽ ജോണിനെ ( കീ ഹോൾ ജോൺ) നാട്ടുകാർ പിടികൂടി പൊലിസിലേൽപ്പിച്ചു. ഇന്നലെ രാത്രി 11 മണിയോടുകൂടി എങ്കക്കാട് കുന്നത്ത് പറമ്പിൽ മോഷ്ടിക്കാനുള്ള വീടുകൾ നോക്കി ഇറങ്ങിയ ജോണിനെ ഇതു വഴിവന്ന നാട്ടുകാരനായ പയറ്റുശാലയിൽ സുനിൽ കുമാർ സംശയം തോന്നി ചോദ്യം ചെയ്തപ്പോൾ ഇയാളെ ആക്രമിച്ച്  ജോണ്‍ ഓടി രക്ഷപ്പെടാൻ ശ്രമിയ്ക്കുകയായിരുന്നു. ഇടിയേറ്റെങ്കിലും സുനിൽ സാഹസികമായി ഇയാളെ കീഴ്പെടുത്തി പരിസരവാസികളെ വിളിച്ചുകൂട്ടി വടക്കാഞ്ചേരി പൊലിസ് സ്റ്റേഷനിൽ ഏൽപ്പിച്ചു. പ്രതിയെ പൊലിസ് ചോദ്യം ചെയ്തു വരുന്നു. ഇയാളുടെ ഭാഗിൽ നിന്നും വീടുകൾ കുത്തിതുറക്കുന്നതിനുള്ള ആയുധങ്ങളും മുളകുപൊടി ഉൾപ്പെടെയുള്ള സാധനങ്ങളും കണ്ടെടുത്തിട്ടുണ്ട്.

[caption id="attachment_689725" align="alignnone" width="1280"] ജോണില്‍ നിന്നും പിടിച്ചെടുത്ത ആയുധങ്ങള്‍[/caption]