റിയാദ്:  യുവതിയുടെ മുന്നിൽ സുജൂദ് ചെയ്ത യുവാവിനെ പോലീസ് പിടികൂടി. ജിദ്ദയിൽ മസ്ജിദിനു സമീപം യുവതിയുടെ മുന്നിൽ യുവാവ് സുജൂദ് ചെയ്യുന്ന ചിത്രം സോഷ്യൽ മീഡിയയിൽ വൈറലായതോടെയാണ് സുരക്ഷ സേനയുടെ ശ്രദ്ധയിൽ പെട്ടത്. ഉടൻ തന്നെ അന്വേഷണം നടത്തി യഥാർത്ഥ ഉറവിടത്തിൽ എത്തിച്ചേരുകയായിരുന്നു. സ്വദേശി യുവാവാണ് യമനി വനിതയുടെ മുന്നിൽ സുജൂദ് ചെയ്തത്. ഫോട്ടോ പ്രചരിച്ചതോടെ അതി ശക്തമായ പ്രതികരണങ്ങളാണ് ഇവർക്കെതിരെ ഉന്നയിക്കപ്പെട്ടത്. പിടികൂടിയ ഇവർക്കെതിരെ വേണ്ട നടപടികൾ സ്വീകരിച്ചു വരികയാണ്. ഇസ്‌ലാമിക വിശ്വാസപ്രകാരം ദൈവത്തിനു മുന്നിൽ മാത്രമാണ് സാഷ്ടാംഗം ചെയാൻ അനുവാദമുള്ളൂ.