ആലപ്പുഴ: കുട്ടനാട് പുളിങ്കുന്നില്‍ പടക്കനിര്‍മാണശാലയിലുണ്ടായ തീപിടിത്തത്തില്‍ പരുക്കേറ്റ ഒരാള്‍ കൂടി മരിച്ചു. പുളിങ്കുന്ന് മുപ്പതിന്‍ചിറ റെജി ചാക്കോ(50) ആണ് ഇന്ന് രാവിലെ മരിച്ചത്. അപകടത്തില്‍ പുളിങ്കുന്ന് കിഴക്കേചിറയില്‍ കുഞ്ഞുമോള്‍ (55)കഴിഞ്ഞ ദിവസം മരിച്ചിരുന്നു. അപകടത്തില്‍ പരുക്കേറ്റ ആറ് സ്ത്രീകള്‍ ഉള്‍പ്പെടെ ഏഴുപേര്‍ വണ്ടാനം മെഡിക്കല്‍ കോളജ് ആശുപത്രിയില്‍ ചികിത്സയിലാണ്.

പുരയ്ക്കല്‍ കൊച്ചുമോന്‍ ആന്റണി എന്നയാളുടെ ലൈസന്‍സില്‍ പ്രവര്‍ത്തിച്ചിരുന്ന പടക്ക നിര്‍മാണശാലയിലാണ് തീപിടുത്തമുണ്ടായത്. ഉച്ചക്ക് 2.30ടെയാണ് അപകടമുണ്ടായത്. സ്ത്രീകളും പുരുഷന്മാരും ഇവിടെ ജോലി ചെയ്തിരുന്നു.

അപകടത്തില്‍ അസ്വാഭാവികത ഇല്ലെന്നാണ് പ്രാഥമിക നിഗമനം.