ചില ശാസ്ത്ര വിഷയങ്ങളൊഴിച്ചാല്‍ മുഖ്യമായും ശാസ്ത്ര ഇതര മേഖലകളിലെ വിഷയങ്ങള്‍ക്കാണ് (ഹ്യുമാനിറ്റീസ്, സോഷ്യല്‍ സയന്‍സസ്, ഭാഷാ വിഷയങ്ങള്‍ മുതലായവ) യു.ജി.സി നെറ്റ് നടത്തുന്നത്. മൊത്തം 81 വിഷയങ്ങളില്‍ ജൂണ്‍ 15 മുതല്‍ 20 വരെ നടക്കും. മാസ്റ്റേഴ്‌സ് ബിരുദം തതുല്യ യോഗ്യതയുള്ളവര്‍ക്ക് അപേക്ഷിക്കാം. മാര്‍ക്ക് വ്യവസ്ഥയുണ്ട്. യോഗ്യതാ പരീക്ഷയ്ക്ക് പഠിക്കുന്നവര്‍ക്കും വ്യവസ്ഥകള്‍ക്കു വിധേയമായി അപേക്ഷിക്കാം. 

ജെ.ആര്‍.എഫിന് പ്രായപരിധിയുണ്ട്.അപേക്ഷ ഏപ്രില്‍ 16ന് രാത്രി 11.50 വരെ ugcnet.nta.nic.in വഴി നല്‍കാം. ഫീസ് 17ന് രാത്രി 11.50 വരെ അടയ്ക്കാം. ഫീസ്: ജനറല്‍  1000 രൂപ, ജനറല്‍  ഇ.ഡബ്ല്യു.എസ്., ഒ.ബി.സി. (എന്‍.സി.എല്‍.)  500 രൂപ, പട്ടിക ഭിന്നശേഷി ട്രാന്‍സ് ജെന്‍ഡര്‍ വിഭാഗങ്ങള്‍ക്ക്  250 രൂപ. ഫലപ്രഖ്യാപനം ജൂലൈ അഞ്ചിന് പ്രതീക്ഷിക്കാം.