കാസര്‍കോട്: കൊവിഡ് 19  സ്ഥിരീകരിച്ച കാസര്‍കോട്ടെ 47കാരന്റെ റൂട്ട് മാപ്പ് ജില്ലാ ഭരണകൂടവും ആരോഗ്യവകുപ്പും പുറത്തിറക്കി.

  ഈമാസം 11ാം തീയ്യതി കോഴിക്കോട് വിനത്താവളം വഴി  വന്നിറങ്ങിയ ഇയാള്‍ ഒരു ദിവസം  എയര്‍പോര്‍ട്ടിനടുത്തെ ലോഡ്ജില്‍ തങ്ങുകയും പിറ്റേ ദിവസം പുലര്‍ച്ചെ ട്രെയിനില്‍ കാസര്‍കോട്ടേക്ക് തിരിക്കുകയുമായിരുന്നു. 

നാട്ടിലെത്തിയ ശേഷം  ഇയാള്‍ സന്ദര്‍ശിച്ച സ്ഥലങ്ങളും മറ്റും  റൂട്ട് മാപ്പില്‍ ഉള്‍പെടുത്തിയിട്ടുണ്ട്. ഇയാളുമായി നേരിട്ട് സമ്പര്‍ക്കത്തിലേര്‍പ്പെട്ടവര്‍  ഉടന്‍ വിവരം നല്‍കണമെന്നും ഇയാള്‍ സന്ദര്‍ശിച്ച സ്ഥലങ്ങളിലുണ്ടായിരുന്നവര്‍ നിരീക്ഷണത്തില്‍ കഴിയണമെന്നും അധികൃതര്‍ അറിയിച്ചു. ഇതിനു പുറമെ രോഗലക്ഷണമുണ്ടായാല്‍ ഉടന്‍ ആരോഗ്യ വകുപ്പുമായി ബന്ധപ്പെട്ടണമെന്നും അധികൃതര്‍ വ്യക്തമാക്കി.