മുട്ടില്‍: വയനാട് മുസ്‌ലിം ഓര്‍ഫനേജിന്റെ ആഭിമുഖ്യത്തില്‍ ജില്ലയിലെ മഹല്ല് ഭാരവാഹികളുടെയും ഖത്തീബ് ഉസ്താദുമാരുടെയും യതീംഖാന പ്രവര്‍ത്തകരുടെയും കണ്‍വന്‍ഷന്‍ ഈമാസം 9ന് രാവിലെ 10 ന് മുട്ടില്‍ യതീംഖാന ക്യാംപസില്‍ നടക്കും.2019ലെ വയനാട് മുസ്‌ലിം ഓര്‍ഫനേജിന്റെ സ്ത്രീധന രഹിത വിവാഹസംഗമം നടത്തുന്നതിന്റെ അനിവാര്യതയെക്കുറിച്ച് യോഗം ചര്‍ച്ച ചെയ്യും. ജില്ലയിലെ മുഴുവന്‍ മഹല്ലുകളിലെയും ഖത്തീബുമാര്‍, മഹല്ല് കമ്മിറ്റി ഭാരവാഹികള്‍, ഡബ്ല്യു.എം.ഒ എക്‌സിക്യുട്ടീവ് കമ്മിറ്റി ഭാരവാഹികള്‍, അംഗങ്ങള്‍, പഞ്ചായത്ത്, മുനിസിപ്പാലിറ്റി വെല്‍ഫെയര്‍ കമ്മിറ്റി പ്രതിനിധികള്‍, ജനറല്‍ ബോഡി അംഗങ്ങള്‍, വിദേശ വെല്‍ഫെയര്‍ കമ്മിറ്റി പ്രതിനിധികള്‍, പൂര്‍വ വിദ്യാര്‍ഥികള്‍, ഒയാസിസ് പ്രവര്‍ത്തകര്‍ യോഗത്തില്‍ പങ്കെടുക്കണമെന്ന് ഡബ്ല്യു.എം.ഒ ജനറല്‍ സെക്രട്ടറി എം.എ മുഹമ്മദ് ജമാല്‍ അറിയിച്ചു.