കല്‍പ്പറ്റ: കൊവിഡ്-19 ജാഗ്രതാ നടപടികളുടെ ഭാഗമായി സമീപ ജില്ലകളില്‍ നിന്നും വയനാട്ടിലേക്ക് വരുന്ന വാഹനങ്ങള്‍ക്ക് നിയന്ത്രണമേര്‍പ്പെടുത്തി. അടുത്തുള്ള ജില്ലയില്‍ നിന്നെത്തുന്ന അടിയന്തര ആവശ്യങ്ങള്‍ക്കായല്ലാത്ത വാഹനങ്ങളെ തടയും. ജില്ലയുടെ പ്രവേശന കവാടത്തില്‍ പരിശോധന ശക്തമാക്കിയിട്ടുണ്ട്.

വീടുകളില്‍ നിരീക്ഷണത്തിലിരിക്കാന്‍ നിര്‍ദേശം ലഭിച്ചവര്‍ പോലും ചുരം കയറി വയനാട്ടില്‍ എത്തുന്നുവെന്ന പരാതി ലഭിച്ചെന്ന് ജില്ലാ ഭരണകൂടം അറിയിച്ചു. ഈ സാഹചര്യത്തിലാണ് നിയന്ത്രണം ഏര്‍പ്പെടുത്തിയത്.

അതേ സമയം നിരീക്ഷണത്തില്‍ കഴിയേണ്ടവര്‍ നിര്‍ദേശം ലംഘിക്കുകയാണെങ്കില്‍ അവര്‍ക്കെതിരേ കര്‍ശന നടപടികളുമായി മുന്നോട്ടുപോകുമെന്ന് വയനാട് ജില്ലാ ഭരണകൂടം തീരുമാനിച്ചിട്ടുണ്ട്.