കാലിഫോര്‍ണിയ: കോപ്പ അമേരിക്കന്‍ മത്സരത്തില്‍ മെക്‌സിക്കോയെ ഏകപക്ഷീയമായ ഏഴു ഗോളിന് തറപറ്റിച്ച് ചിലിയുടെ സെമി പ്രവേശം. നാലു ഗോളുകള്‍ നേടി എഡ്വാര്‍ഡ് വര്‍ഗാസ് മൈതാനത്ത് അമ്മാനമാടി. എഡ്‌സണ്‍ പുച്ചിന്റെ വക രണ്ടു ഗോളും അലക്‌സ് സാഞ്ചസിന്റെ കാലില്‍ നിന്ന് ഒരു ഗോളും പിറന്നതോടെ ചിലി കോപ്പ അമേരിക്കയില്‍ ഇതിഹാസം രചിക്കുകയായിരുന്നു.

16-ാം മിനിറ്റിലാണ് എഡ്‌സണ്‍ പുഞ്ച് ചിലിയുടെ ഗോള്‍ വേട്ടക്ക് തുടക്കമിട്ടത്. കളിയുടെ 44-ാം മിനിറ്റില്‍ ആദ്യ ഗോള്‍ നേടിയ വര്‍ഗാസ് 52, 57, 74 മിനിറ്റുകളിലും തുടരെത്തുടരെ ഗോള്‍മഴ പെയ്യിച്ചു. സെമിയില്‍ കൊളംബിയയാണ് ചിലിയുടെ എതിരാളി.