ചാലക്കുടി: വനത്തിനുള്ളില്‍ മരിച്ച നിലയില്‍ കണ്ടെത്തിയ ആദിവാസി സ്ത്രീയുടെ മരണം പുലി ആക്രമണത്തിലല്ലെന്ന് പ്രാഥമിക റിപ്പോര്‍ട്ട്.
അരേക്കാപ്പ് കോളനിയിലെ കാമാട്ടിയുടെ ഭാര്യ ലക്ഷ്മി(85)യെ ഞായറാഴ്ച വനത്തിനുള്ളില്‍ മരിച്ച നിലയില്‍ കണ്ടെത്തിയിരുന്നു.
പുലിയുടെ ആക്രമണത്തിലാണ് ഇവര്‍ മരിച്ചതെന്ന് അഭ്യൂഹവും ഉയര്‍ന്നിരുന്നു. ഒരാഴ്ചയായി ഇവര്‍ വീട്ടില്‍ ഇല്ലായിരുന്നു.
ബന്ധുവീട്ടില്‍ പോകുന്ന പതിവുണ്ടായിരുന്നതിനാല്‍ ബന്ധുവീട്ടില്‍ പോയിരിക്കുകയാകാമെന്നാണ് വീട്ടുകാര്‍ കരുതിയത്.
എന്നാല്‍ ഒരാഴ്ചയായിട്ടും ഇവരെ കാണാതായതിനെ തുടര്‍ന്ന് നടത്തിയ അന്വേഷണത്തിലാണ് വനത്തിനുള്ളില്‍ മരിച്ച നിലയില്‍ കണ്ടെത്തിയത്.
തുടര്‍ന്ന് തൃശൂര്‍ മെഡിക്കല്‍ കോളജില്‍ നടത്തിയ പോസ്റ്റുമോര്‍ട്ടത്തിലാണ് പുലിയാക്രമണമല്ല മരണ കാരണമെന്ന പ്രാഥമിക റിപ്പോര്‍ട്ട് വന്നത്.