എടവണ്ണപ്പാറ: വെട്ടത്തൂര്‍  ഗവ.എല്‍പി സ്‌കൂളിലെ കുരുന്നു വിദ്യാര്‍ഥികള്‍ സ്വയം നിര്‍മിച്ച മാഗസിനുകളുമായി മികവ് പ്രദര്‍ശനം നടത്തി. സ്‌കൂളിലെ ഇരുന്നോറോളം വരുന്ന വിദ്യാര്‍ഥികളാണ് പ്രദര്‍ശനത്തിനായി  മാഗസിനുകള്‍ തയാറാക്കിയത്. പത്ത് മുതല്‍ നാല്‍പത് വരെ പേജുകളള്ള മാഗസിനുകളാണ് ഇവര്‍ തയാറാക്കിയതില്‍ അധികവും. സ്‌കൂള്‍ പരിസരത്ത് നടന്ന പ്രദര്‍ശനം പ്രധാനാധ്യാപകന്‍ അബ്ദുസ്സലാം മാസ്റ്റര്‍ ഉദ്ഘാടനം ചെയ്തു. അധ്യാപകരായ സി.കെ അബ്ദുല്‍ മജീദ്, മുഹമ്മദ് അഷ്‌റഫ്, ജമാലുദ്ദീന്‍, ബേബി വിജയം, മനീഷ, ദിവ്യ, ബിന്ദു, സുബീന നേതൃത്വം നല്‍കി.