മലപ്പുറം: അന്താരാഷ്ട്ര വനിതാ ദിനത്തോടനുബന്ധിച്ച് പുഴക്കാട്ടിരി ഗ്രാമ പഞ്ചായത്തിന്റെ ആഭിമുഖ്യത്തില്‍ കേന്ദ്ര ഫീല്‍ഡ് പബ്ലിസിറ്റി ഡയറക്ടറേറ്റ്, സാമൂഹ്യ നീതി വകുപ്പ്, ആരോഗ്യ വകുപ്പ്, സാക്ഷരതാമിഷന്‍, കുടുംബശ്രീ എന്നിവയുടെ സഹകരണത്തോടെ ജില്ലാതല വനിതാ മഹാസംഗമം സംഘടിപ്പിച്ചു.
മങ്കട ബ്ലോക്ക് പഞ്ചായത്ത് പ്രസിഡന്റ് സഹീദ എലിക്കോട്ടില്‍ ഉദ്ഘാടനം ചെയ്തു. പുഴക്കാട്ടിരി ഗ്രാമ പഞ്ചായത്ത് പ്രസിഡന്റ് പി.കെ ജയറാം അധ്യക്ഷനായി. കേന്ദ്ര ഫീല്‍ഡ് പബ്ലിസിറ്റി ഓഫിസര്‍ സി ഉദയകുമാര്‍ മുഖ്യ പ്രഭാഷണം നടത്തി. പഞ്ചായത്ത് വൈസ് പ്രസിഡന്റ് നജീമുന്നീസ, സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ സുജാത,  ഐ.സി.ഡി.എസ് സൂപ്പര്‍വൈസര്‍  ഭാമിനി, റിട്ട. ബി.ഡി.ഒ ലത, സാക്ഷരതാമിഷന്‍ പ്രേരക് നന്ദിത ബോസ്, സി.ഡി.എസ് പ്രസിഡന്റ് ദേവയാനി സംസാരിച്ചു. സമൂഹ സദ്യ, കലാപരിപാടികള്‍ എന്നിവയും  നടന്നു.