കിഴിശ്ശേരി: പുളിയക്കോട് എ.യു.പി സ്‌കൂളിന്റെ 92-ാം വാര്‍ഷികവും മികവ് പ്രദര്‍ശനവും കുഴിമണ്ണ പഞ്ചായത്ത് പ്രസിഡന്റ് ബാലത്തില്‍ ബാപ്പു ഉദ്ഘാടനം ചെയ്തു. പി.ടി.എ പ്രസിഡന്റ് പി സുബ്രഹ്മണ്യന്‍ അധ്യക്ഷനായി. 2016-17 അധ്യായന വര്‍ഷത്തില്‍ മികവ് പുലര്‍ത്തിയ വിദ്യാര്‍ഥികള്‍ക്ക് സ്റ്റാര്‍ ഓഫ് ദ ഇയര്‍ അവാര്‍ഡ് നല്‍കി.
വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍മാന്‍ പുളിക്കല്‍ മുഹമ്മദ്, വാര്‍ഡ് മെമ്പര്‍മാരായ അബൂബക്കര്‍ സിദ്ദീഖ്, സി ദിവ്യാ, എസ്.എസ്.ജി ചെയര്‍മാന്‍ എം.കെ അബ്ദുല്‍ അസീസ്, എച്ച്.എം എന്‍ പ്രദീപ് കുമാര്‍, കെ.കെ ഉണ്ണിമോയീന്‍, കെ.പി സരസ്വതി, കെ.കെ മുത്തലിബ്, പി ദേവദാസന്‍, മലയന്‍ സൈതലവി, സി സലീം സംസാരിച്ചു. തുടര്‍ന്ന് 2016-17 വര്‍ഷത്തെ മികവ് പ്രദര്‍ശനവും വിവിധ കലാപരിപാടികളും നടന്നു.