കണ്ണൂര്‍: ഡി.സി.സിയുടെ നേതൃത്വത്തില്‍ ജില്ലയിലെ ശുദ്ധജല സ്രോതസുകളുടെ നവീകരണം ലക്ഷ്യമിട്ടു ജലഹസ്തം പദ്ധതി ആരംഭിക്കുന്നു. ബ്ലോക്ക് കോണ്‍ഗ്രസ് കമ്മിറ്റികളുടെ നേതൃത്വത്തില്‍ വിവിധ പ്രദേശങ്ങളില്‍ ശുദ്ധജല സ്രോതസുകള്‍ നവീകരിക്കും. ജില്ലാതല ഉദ്ഘാടനം ചിറക്കല്‍ രാജവംശത്തിന്റെ പടനായകനായ മുരിക്കിന്‍ഞ്ചേരി കേളു നായനാര്‍ അഴീക്കോട് ഇടത്തില്‍ നെയ്യമൃത് സംഘത്തിന് വേണ്ടി കുഴിപ്പിച്ച അഴീക്കോട് വന്‍കുളം ശുചീകരിച്ച് ഞായറാഴ്ച രാവിലെ എട്ടുമണിക്ക് നിര്‍വഹിക്കും.