തൃശൂര്‍: വിലക്ക് ലംഘിച്ച് വിശ്വാസികളെ കൂട്ടി കുര്‍ബാന നടത്തിയ വൈദികന്‍ അറസ്റ്റില്‍. ചാലക്കുടി കൂടപ്പുഴ നിത്യസഹായമാത പള്ളി വികാരിയെയാണ് അറസ്റ്റ് ചെയ്തത്. കുര്‍ബാനയില്‍ പങ്കെടുത്ത വിശ്വാസികള്‍ക്കെതിരെയും കേസെടുത്തിട്ടുണ്ട്. നൂറോളം വിശ്വാസികളാണ് കുര്‍ബാനയില്‍ പങ്കെടുത്തത്.

വിലക്കുകള്‍ ലംഘിച്ച് തിങ്കളാഴ്ച്ച രാവിലെ ആറരയോടെയാണ് പള്ളിയില്‍ കുര്‍ബാന നടന്നത്.

വിശ്വാസികള്‍ വീടുകളില്‍ ഇരുന്ന് പ്രാര്‍ത്ഥിച്ചാല്‍ മതിയെന്നും കുര്‍ബാനകളില്‍ പങ്കെടുക്കരുതെന്നും അതിരൂപതകള്‍ ഉള്‍പ്പെടെ നിരന്തരം നിര്‍ദ്ദേശിച്ചിരുന്നു.