നൗകാംപ്്: അവസാന നിമിഷം വരെ കാണികളെ ആവേശം കൊള്ളിച്ച ചാംപ്യന്‍സ് ലീഗ് രണ്ടാം പാദ പ്രീക്വാര്‍ട്ടര്‍ പോരാട്ടത്തില്‍ ബാഴ്‌സലോണക്ക് തകര്‍പ്പന്‍ ജയം.സ്വന്തം തട്ടകത്തില്‍ നടന്ന പോരാട്ടത്തില്‍ ബാഴ്‌സ 6-1 നു പി.എസ്.ജിയെ തകര്‍ത്തെറിയുകയായിരുന്നു. ആദ്യപാദത്തില്‍ 4-1 നു പി.എസ്.ജി വിജയിച്ചിരുന്നു.

കളിയുടെ തുടക്കം മുതല്‍ വിജയം മാത്രം ലക്ഷ്യമാക്കി ആക്രമിച്ച് കളിച്ച ബാഴ്‌സലോണ മൂന്നാം മിനുട്ടില്‍ സുവാരസിലൂടെ ആദ്യ ലക്ഷ്യം കണ്ടു. പിന്നീട് കളത്തിലുടനീളം മത്സരത്തിന്റെ അവസാനം വരെ കളിയുടെ എല്ലാ മേഖലകളിലും ഒരു ടീമെന്ന നിലയില്‍ ബാഴ്‌സ മികച്ചു നിന്നു. അതിന് ഫലമായി ഇടവേളകളിലും ഓരോ ഗോളുകളാണ് ആരാധകര്‍ കണ്ടത്. പി.എസ്.ജി കളി തിരിച്ചു പിടിക്കാന്‍ ശ്രമിച്ചെങ്കിലും ബാഴ്‌സ പ്രതിരോധത്തില്‍ത്തട്ടി അത് നിഷ്ഫലമായി..

ബാഴ്‌സക്ക് വേണ്ടി നെയ്മര്‍ രണ്ടും മെസ്സിയും സെര്‍ജി റോബര്‍ട്ടോയും ഓരോ ഗോളുകളും നേടി. കവാനിയിലൂടെ പി.എസ്.ജി തങ്ങളുടെ ആശ്വാസഗോള്‍ കണ്ടെത്തി. സമനിലയിലെത്തുമെന്ന തോന്നിച്ച കളിയുടെ ഫലം തിരിച്ചത് 95ാം മിനുട്ടില്‍ സെര്‍ജി റോബര്‍ട്ടോ നേടിയ ഗോളിലാണ്. ബാഴ്‌സയുടെ അപ്രതീക്ഷിത വിജയം. ഇരു പാദങ്ങളിലുമായി 6-5 എന്ന സ്‌കോറിനാണ് ബാഴ്‌സ വിജയിച്ചത്.