കാസര്‍കോട്: കാസര്‍കോട് പബ്ലിക് സെര്‍വന്റ്‌സ് കോ. ഓപ്പ് സൊസൈറ്റിയുടെ സാഹിത്യ അവാര്‍ഡ് ബക്കളം ദാമോദരന്. ബക്കളം ദാമോദരന്റെ 'ഭൂമിജാതകം' എന്ന നോവലിനാണ് അവാര്‍ഡെന്ന് പി.വി.കെ പനയാല്‍ ചെയര്‍മാനായ ജൂറി വാര്‍ത്താ സമ്മേളനത്തില്‍ അറിയിച്ചു. കണ്ണൂര്‍ ജില്ലയിലെ ബക്കളം സ്വദേശിയായ ബക്കളം ദാമോദരന്‍ നേരത്തെ അബുദാബി ശക്തി അവാര്‍ഡ് നേടിയിട്ടുണ്ട്.
10003 രൂപയും പ്രശസ്തി പത്രവും ശില്‍പവും അടങ്ങുന്ന അവാര്‍ഡ് മാര്‍ച്ച് അവസാനവാരം നല്‍കും. വാര്‍ത്താ സമ്മേളനത്തില്‍ ജൂറി അംഗങ്ങളായ സുറാബ്, രാഘവന്‍ ബെള്ളിപ്പാടി സംബന്ധിച്ചു.