നീലേശ്വരം: ജില്ലാ പഞ്ചായത്തിനു കീഴിലുള്ള ആശുപത്രികളുടെ പ്രശ്‌നങ്ങള്‍ പഠിക്കുന്നതിന്റെ ഭാഗമായി ജില്ലാ പഞ്ചായത്ത് പ്രസിഡന്റ് എ.ജി.സി ബഷീറിന്റെ നേതൃത്വത്തില്‍ ജില്ലാ പഞ്ചായത്ത് ഭരണ സമിതി അംഗങ്ങള്‍ പടന്നക്കാട്ടെ ജില്ലാ ആയുര്‍വേദ ആശുപത്രി സന്ദര്‍ശിക്കും. ഇന്നു രാവിലെ 11. 30 നാണു സന്ദര്‍ശനം. ആശുപത്രിയില്‍ തുടങ്ങുന്ന വയോജന പരിപാലന ക്ലിനിക് 10നു എ.ജി.സി ബഷീര്‍ ഉദ്ഘാടനം ചെയ്യും. ഋതു ആര്‍ത്തവജന്യ രോഗ ക്ലിനിക്കിന്റെ ഉദ്ഘാടനം ജില്ലാ പഞ്ചായത്ത് വൈസ് പ്രസിഡന്റ് ശാന്തമ്മാ ഫിലിപ്പ് നിര്‍വഹിക്കും. കാഞ്ഞങ്ങാട് നഗരസഭാ ചെയര്‍മാന്‍ വി.വി രമേശന്‍ മുഖ്യാതിഥിയാകും. ഭാരതീയ ചികിത്സാ വകുപ്പ് ജില്ലാ മെഡിക്കല്‍ ഓഫിസര്‍ ഡോ.എ.വി സുരേഷ് അധ്യക്ഷനാകും.