ഗുരുവായൂര്‍: ഭാര്യയുടെ കാമുകനെ ഭര്‍ത്താവും സുഹൃത്തുക്കളും ചേര്‍ന്ന് ആക്രമിച്ച സംഭവത്തില്‍ ചികിത്സയിലിരുന്ന യുവാവ് മരിച്ചു. ഇക്കഴിഞ്ഞ 23-ന് ഗുരുവായൂര്‍ ബസ്് സ്റ്റാന്‍ഡിനു മുന്‍വശം വച്ചു മര്‍ദ്ദനമേറ്റു ചികിത്സയിലായിരുന്ന പാവറട്ടി മരുതയൂര്‍ അമ്പാടി വീട്ടില്‍ ജയരാജന്റെ മകന്‍ സന്തോഷ് (43) ആണ് ശനിയാഴ്ച്ച രാത്രി മരിച്ചത്.
തൃശൂര്‍ മെഡിക്കല്‍ കോളജില്‍ ചികിത്സയിലിരിക്കേ സന്തോഷിന്റെ പിതൃസഹോദര പുത്രന്‍ ഷൈന്‍ നല്‍കിയ പരാതിയില്‍ പൊലിസ് അറസ്റ്റ് ചെയ്ത മുതുവട്ടൂര്‍ കുന്നത്തുള്ളി വീട്ടില്‍ ദിനേശന്‍ (47), നെല്ലുവായ് പാണ്ടികശാല വെളുപ്പില്‍ വീട്ടില്‍ മഹേഷ് (32) എന്നിവര്‍ ഇപ്പോള്‍ റിമാന്റിലാണ്.
കേസുമായി ബന്ധപ്പെട്ട് കണ്ടാലറിയാവുന്ന രണ്ടുപേരെകൂടി പിടികൂടാനുണ്ടെന്നും കൂടുതല്‍ പേര്‍ സംഭവത്തില്‍ ബന്ധപ്പെട്ടിട്ടുണ്ടോയെന്നും അന്വേഷിച്ചുവരികയാണെന്നും പൊലിസ് പറഞ്ഞു.റിമാന്റില്‍ കഴിയുന്ന ദിനേശന്റെ ഭാര്യക്ക് മരിച്ച സന്തോഷുമായുള്ള അവിഹിതബന്ധമാണ് കൊലപാതകത്തില്‍ കലാശിച്ചത്.