ന്യൂഡല്‍ഹി: എയര്‍ ഇന്ത്യാ മേധാവി പ്രദീപ് സിങ് ഖരോലയെ വ്യോമയാന സെക്രട്ടറിയായി നിയമിച്ചു. ഇന്നലെയാണ് സര്‍ക്കാരിലെ ചില ഉന്നതരെ ഇളക്കിപ്രതിഷ്ഠിച്ചുകൊണ്ട് കേന്ദ്രം ഉത്തരവിട്ടത്.

കര്‍ണാടക കേഡറിലുള്ള 1985 ബാച്ച് സിവില്‍ സര്‍വിസ് ഉദ്യോഗസ്ഥനാണ് ഖരോല. 2017 നവംബറില്‍ അദ്ദേഹത്തെ എയര്‍ ഇന്ത്യയുടെ ചെയര്‍മാന്‍ ആന്‍ഡ് മാനേജിങ് ഡയരക്ടറായി നിയമിച്ചിരുന്നു. രാജിവ് നയാന്‍ ചൗബെ വിരമിച്ച ഒഴിവിലാണ് ഖരോലയെ വ്യോമയാന സെക്രട്ടറിയായി നിയമിച്ചത്.