കൊയിലാണ്ടി: പാറപ്പള്ളി ഉറൂസ് മെയ് മൂന്നിന് ആരംഭിക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
രാവിലെ എട്ടിന് കോഴിക്കോട് ഖാസി സയ്യിദ് മുഹമ്മദ്‌കോയ തങ്ങള്‍ ജമലുല്ലൈലി പതാക ഉയര്‍ത്തുന്നതോടെ നാലുദിവസം നീണ്ടുനില്‍ക്കുന്ന ഉറൂസിനു തുടക്കമാകും. ഒന്‍പതിന് നടക്കുന്ന ഹജ്ജ് ക്യാംപിന് റഫീഖ് സക്കരിയ്യ ഫൈസി നേതൃത്വം നല്‍കും. മെയ് നാലിന് വൈകിട്ട് ഏഴിന് മജ്‌ലിസുന്നൂര്‍ മുബഷിര്‍ തങ്ങള്‍ ജമലുല്ലൈലി ഉദ്ഘാടനം ചെയ്യും. ശാഹുല്‍ ഹമീദ് അന്‍വരി മലയില്‍ സംസാരിക്കും.
അഞ്ചിന് വൈകിട്ട് ഏഴിന് ഉമൈര്‍ ഹൈതമി വെള്ളായിക്കോട് സംസാരിക്കും. സമാപന ദിവസമായ ആറിന് രാവിലെ ഒന്‍പതിന് പ്രാര്‍ഥനാ സദസിന് ഉമര്‍ മുസ്‌ലിയാര്‍ കിഴിശ്ശേരി നേതൃത്വം നല്‍കും. ഹസ്സന്‍ സഖാഫി പൂക്കോട്ടൂര്‍ മുഖ്യപ്രഭാഷണം നടത്തും.
അന്നദാനവും നടക്കുമെന്ന് ഭാരവാഹികളായ മഹല്ല് പ്രസിഡന്റ് സിദ്ദീക്ക് കൂട്ടുമുഖം, ഹാഫിള് സിബ്‌റത്തുല്ല റഹ്മാനി, എം.കെ ഗഫൂര്‍, മൊയ്തു ഹാജി തൊടുവഴല്‍, അസ്സയിനാര്‍ കിള്ളവയല്‍, മൊയ്തീന്‍ മാസ്റ്റര്‍ നമ്പ്രത്തുകര, കെ.കെ.കെ പുളിയഞ്ചേരി എന്നിവര്‍ അറിയിച്ചു.