പുല്‍പ്പള്ളി: ലോക മലമ്പനി ദിനാചരണത്തിന്റെ ജില്ലാതല ഉദ്ഘാടനം പുല്‍പ്പള്ളി പഞ്ചായത്ത് കമ്മ്യൂണിറ്റി ഹാളില്‍ ഗ്രാമപ്പഞ്ചായത്ത് വൈസ് പ്രസിഡന്റ് കെ.ജെ. പോള്‍ നിര്‍വഹിച്ചു.
ആരോഗ്യസ്റ്റാന്റിങ്് കമ്മിറ്റി അധ്യക്ഷ ശോഭന പ്രസാദ് അധ്യക്ഷത വഹിച്ചു. 'തയാറാകാം മലമ്പനിയെ തുരത്താന്‍' എന്നതാണ് ഈ വര്‍ഷത്തെ ദിനാചരണ സന്ദേശം. 2030 ഓടെ ഇന്ത്യയില്‍ നിന്നും മലമ്പനി നിര്‍മാര്‍ജനം ചെയ്യുക എന്നതാണ് ലക്ഷ്യം. പുല്‍പ്പള്ളി സിഎച്ച്‌സി മെഡിക്കല്‍ ഓഫീസര്‍ ഡോ. അബ്ദുള്‍ ജലീല്‍, ഡോ.കെ.എസ്.അജയന്‍ എന്നിവര്‍ ക്ലാസുകള്‍ നയിച്ചു. അജിത്കുമാര്‍, ജില്ലാ മാസ് മീഡിയാ ഓഫീസര്‍ കെ. ഇബ്രാഹിം, നൂല്‍പ്പുഴ ഹെല്‍ത്ത് ഇന്‍സ്‌പെക്ടര്‍ മുരളി സംസാരിച്ചു. ആശാ പ്രവര്‍ത്തകര്‍, കുടുംബശ്രീ പ്രവര്‍ത്തകര്‍ സന്നദ്ധ പ്രവര്‍ത്തകര്‍ തുടങ്ങിയവര്‍ പങ്കെടുത്തു.