വിരാജ്‌പേട്ട: റിയല്‍ എസ്റ്റേറ്റ് വ്യവസായിയെ വീട്ടില്‍ കുത്തിക്കൊലപ്പെടുത്തി. വിരാജ്‌പേട്ടയിലെ മഞ്ജുനാഥ് നഗറിലെ ഷമ്മാസ് കദീജ മന്‍സിലില്‍ പരേതനായ മുഹമ്മദിന്റെ മകന്‍ എം.എന്‍ ഷഫീഖ് (42) ആണ് കൊല്ലപ്പെട്ടത്. സംഭവത്തില്‍ കെതമുള്ളൂറു ഗ്രാമത്തിലെ മാളേട്ടിറ ദര്‍ശനെ (37) പൊലിസ് അറസ്റ്റുചെയ്തു. ചൊവ്വാഴ്ച രാത്രി 10.30ഓടെയായിരുന്നു സംഭവം. സാമ്പത്തിക ഇടപാടുമായി ബന്ധപ്പെട്ട തര്‍ക്കത്തില്‍ ദര്‍ശന്‍ ഷഫീഖിന്റെ വീട്ടിലെത്തി കത്തികൊണ്ട് കഴുത്തിനു കുത്തി കൊലപ്പെടുത്തുകയായിരുന്നുവെന്നു വിരാജ്‌പേട്ട ടൗണ്‍ പൊലിസ് അറിയിച്ചു. ശരീഫ് ഷഫീഖിന്റെ ഏക സഹോദരനാണ്.