കൊടുങ്ങല്ലൂര്‍: എറിയാട് റോഡരികില്‍ നിര്‍ത്തിയിട്ടിരുന്ന ഓട്ടോറിക്ഷയുടെ റെക്‌സിന്‍ കീറി നശിപ്പിച്ചു. എറിയാട് കടപ്പൂര് പള്ളിക്ക് പടിഞ്ഞാറ് വശം പള്ളത്ത് മധുവിന്റെ ഓട്ടോറിക്ഷയുടെ റെക്‌സിനാണ് നശിപ്പിച്ചത്.
രാത്രി വീടിനടുത്തുള്ള റോഡരികില്‍ നിര്‍ത്തിയിട്ടിരുന്ന ഓട്ടോറിക്ഷയുടെ റെക്‌സിനും മുന്‍ വശത്തെ സീറ്റും ഏറെ കുറെ പൂര്‍ണമായും കീറി നശിപ്പിക്കുകയായിരുന്നു.
സംഭവത്തിനു പുറകില്‍ രാഷ്ട്രീയമില്ലെന്നും, സാമൂഹ്യ വിരുദ്ധരാണ് ഓട്ടോറിക്ഷ നശിപ്പിച്ചതായി സംശയിക്കുന്നതെന്നും പൊലിസ് പറഞ്ഞു. കൊടുങ്ങല്ലൂര്‍ പൊലിസ് കേസെടുത്ത് അന്വേഷണമാരംഭിച്ചു