തൃപ്രയാര്‍: കായിക വിദ്യാര്‍ഥികള്‍ക്ക് പോഷകാഹാരം കണ്ടെത്താന്‍ നാട്ടിക സ്‌പോര്‍ട്‌സ് അക്കാദമിയുടെ നേതൃത്വത്തില്‍ നാട്ടിക ഗ്രാമപഞ്ചായത്തിന്റെയും കൃഷിഭവന്റെയും സഹായത്തോടെ പച്ചക്കറി കൃഷിയിറക്കി.
നാട്ടിക ഗവ. ഫിഷറീസ് സ്‌കൂളിനോട് ചേര്‍ന്ന് പഞ്ചായത്തിന്റെ ഉടമസ്ഥതയിലുള്ള സ്ഥലത്ത് നേന്ത്രവാഴ, കൊള്ളി എന്നിവയാണ് ആദ്യം കൃഷിയിറക്കിയത്. ജില്ലാ ഫുട്‌ബോള്‍ അസോസിയേഷന്‍ പ്രസിഡന്റ് സി.പി സാലിഹ് നടീല്‍ ചടങ്ങ് ഉദ്ഘാടനം ചെയ്തു.
അക്കാദമി മുഖ്യരക്ഷാധികാരി അനില്‍ പുളിക്കല്‍ അധ്യക്ഷനായിരുന്നു. നാട്ടിക ഗ്രാമപഞ്ചായത്ത് പ്രസിഡന്റ് പി.വിനു മുഖ്യാതിഥിയായി. സി.ജി അജിത്കുമാര്‍, കൃഷി ഓഫിസര്‍ ട്രീസ മാത്യുസ്, അക്കാദമി ചെയര്‍മാന്‍ ബി.കെ ജനാര്‍ദ്ദനന്‍ സംസാരിച്ചു.