തിരുവനന്തപുരം:കൊവിഡ്-19 ജാഗ്രതയുടെ പശ്ചാത്തലത്തില്‍  ഇന്നുമുതല്‍ സംസ്ഥാനത്തെ മുഴുവന്‍ ബിവറേജസ് കോര്‍പ്പറേഷന്‍ ഔട്ടലറ്റുകള്‍ അടച്ചിടുന്ന സാഹചര്യത്തില്‍ മദ്യം ഓണ്‍ലൈനായി ലഭ്യമാക്കാന്‍ തീരുമാനം. ഇന്നുചേര്‍ന്ന മന്ത്രി സഭാ യോഗത്തിലാണ് ഇതുസംബന്ധിച്ച് തീരുമാനം. തുടര്‍ നടപടികള്‍ എക്‌സൈസ് വകുപ്പുമായി ആലോചിച്ച് തീരുമാനിക്കും.

മദ്യം ലഭിക്കാതാകുമ്പോള്‍ ചിലരെങ്കിലും മറ്റുപല ലഹരിവസ്തുക്കളെ ആശ്രയിക്കുന്ന സ്ഥിതിയുണ്ടാകുമെന്ന സാഹചര്യത്തിലാണ് തീരുമാനം.എങ്ങനെ ഓണ്‍ലൈന്‍ വഴി മദ്യം എത്തിക്കാം എന്നതിനുള്ള സാധ്യതകളാണ് സര്‍ക്കാര്‍ ആലോചിക്കുന്നത്.