ലഖ്‌നൗ: ഉത്തര്‍പ്രദേശില്‍ പ്രത്യേക കമാന്‍ഡോ സംഘം കൊലപ്പെടുത്തിയ സെയ്ഫുല്ലയ്ക്ക് ആയുധങ്ങള്‍ വിതരണം ചെയ്തിരുന്ന ആളെ പൊലിസ് അറസ്റ്റ് ചെയ്തു. മുന്‍ വ്യോമ സേനാ ഉദ്യോഗസ്ഥനായ മുഹമ്മജ് ഖെയ്‌സ് ഖാനെയാണ് ഇന്നലെ കാന്‍പൂരില്‍ വച്ച് ഭീകര വിരുദ്ധ സേന അറസ്റ്റ് ചെയ്തത്. ഇയാളില്‍ നിന്ന് ചില നിര്‍ണായക വിവരങ്ങള്‍ ലഭിച്ചിട്ടുണ്ടെന്ന് യു.പി എ.ഡി.ജി.പി ദല്‍ജിത്ത് ചൗധരി പറഞ്ഞു.
അതേസമയം ഡല്‍ഹിയില്‍ ഐ.എസ് സാന്നിധ്യമുണ്ടെന്ന രഹസ്യാന്വേഷണ വിഭാഗം റിപ്പോര്‍ട്ട് ചെയ്ത സാഹചര്യത്തില്‍ അതിജാഗ്രതാ നിര്‍ദ്ദേശം നല്‍കിയിട്ടുണ്ട്.