പള്ളിപ്പുറം: ദാറുല്‍ അന്‍വാര്‍ ഇസ്‌ലാമിക് കോംപ്ലക്‌സിന്റെ 15ാം വാര്‍ഷികത്തിന്റെ ഭാഗമായി എട്ടാം തരം മുതല്‍ ഡിഗ്രി തലം വരെയുള്ള ആണ്‍കുട്ടികള്‍ക്കായി സംഘടിപ്പിക്കുന്ന 'തസ്ഫിയ' ടീന്‍ മീറ്റും കരിയര്‍ ഗൈഡന്‍സും മെയ് രണ്ടിന് കാലത്ത് 10 മണി മുതല്‍ മൂന്നുമൂല സഫ ഇംഗ്ലീഷ്മീഡിയം സ്‌കൂള്‍ ഓഡിറ്റോറിയത്തില്‍ നടക്കും. മുനീര്‍ ഹുദവി ഫറോഖ് ക്ലാസിന് നേതൃത്വം നല്‍കും. പങ്കെടുക്കാന്‍ താല്‍പ്പര്യമുള്ളവര്‍ 9847706264, 9539296937 എന്നീ നമ്പറുകളില്‍ ബന്ധപ്പെടണം. 15ാം വാര്‍ഷികത്തിന്റെ ഭാഗമായി വാഖിഫ് മര്‍ഹും പി.ടി കുഞ്ഞാപ്പു ഹാജിയുടെ നാമധേയത്തില്‍ ബാലികാ അനാഥ അഗതി മന്ദിരത്തിനായി നിര്‍മിക്കുന്ന കെട്ടിട നിര്‍മാണ ഫണ്ടിന്റെ ഉദ്ഘാടനം കോംപ്ലക്‌സ് കമ്മിറ്റി പ്രസിഡന്റ് പാണക്കാട് സയ്യിദ് സാദിഖലി ശിഹാബ് തങ്ങള്‍ സെക്രട്ടറി സി.കെ.എം സാദിഖ് മുസ്‌ലിയാര്‍ക്ക് നല്‍കി നിര്‍വഹിച്ചു. പി.കെ മുഹമ്മദ് കുട്ടി മുസ്‌ലിയാര്‍ പള്ളിപ്പുറം, പി. കുഞ്ഞിപ്പു മുസ്‌ലിയാര്‍ ചെമ്പുലങ്ങാട്, ടി.കെ മുഹമ്മദ്കുട്ടി ഫൈസി കരുവാന്‍പടി, വി.പി കുഞ്ഞിപ്പുഹാജി കൊടുമുണ്ട, പി.ടി ബാവനു ഹാജി വിളത്തൂര്‍, പി. മുഹമ്മദ് മാനു ഹാജി കൈപ്പുറം, കെ.പി ബാവ മൗലവി ചെമ്പ്ര, എം.പി മുഹമ്മദ്കുട്ടി ഹാജി മൂന്നുമൂല, പി.പി ശഫീഖ് വിളയൂര്‍ സംബന്ധിച്ചു.