കണ്ണൂര്‍: മനുഷ്യനെ അല്ലാഹു വളരെ ഉത്കൃഷ്ടമായ രീതിയിലാണ് സൃഷ്ടിച്ചതെന്നും ഉന്നത മൂല്യങ്ങള്‍ കാത്തുസൂക്ഷിക്കാന്‍ നാം പരിശ്രമിക്കണമെന്നും കോഴിക്കോട് വലിയ ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി. എസ്.കെ.എസ്.എസ്.എഫ് സഹചാരി ജില്ലാ കമ്മിറ്റിയുടെ നേതൃത്വത്തില്‍ എട്ടുദിവസങ്ങളിലായി കണ്ണൂര്‍ പൊലിസ് മൈതാനിയില്‍ നടത്തി വന്ന ഉസ്താദ് മുസ്തഫ ഹുദവി ആക്കോടിന്റെ റമദാന്‍ പ്രഭാഷണ പരമ്പരയുടെ സമാപനം ഉദ്ഘാടനം ചെയ്യുകയായിരുന്നു അദ്ദേഹം.
ഏത് അപകടം പിടിച്ച അവസ്ഥകളെയും തരണം ചെയ്യാന്‍ മനുഷ്യന് കഴിവുണ്ടെന്നും അതിന് നാം ഉണര്‍ന്ന് പ്രവര്‍ത്തിക്കേണ്ടതുണ്ടെന്നും അദ്ദേഹം പറഞ്ഞു. ബശീര്‍ അസ്അദി നമ്പ്രം അധ്യക്ഷനായി.
സമസ്ത പൊതുപരീക്ഷയില്‍ സംസ്ഥനതലത്തില്‍ പത്താംക്ലാസില്‍ മൂന്നാം റാങ്ക് നേടിയ മുഹമ്മദ് ചാലാടിന് എസ്.കെ.എസ്.എസ്.എഫ് ജില്ലാ കമ്മിറ്റിയുടെ ഉപഹാരം തങ്ങള്‍ നല്‍കി. എസ്.കെ ഹംസ ഹാജി, മൊയ്തു ഹാജി പാലത്തായി, അഹമ്മദ് തേര്‍ളായി, എ.കെ അബ്ദുല്‍ ബാഖി, കരീം ചേലേരി, കബീര്‍ കണ്ണാടിപറമ്പ്, ഇബ്രാഹിം കുട്ടി തിരുവട്ടൂര്‍, അബ്ദുല്ല ദാരിമി കൊട്ടില, ലത്തീഫ് മാസ്റ്റര്‍ പന്നിയൂര്‍, സിദ്ധീഖ് ഫൈസി വെണ്‍മണല്‍, ശഹീര്‍ പാപ്പിനിശേരി, മഹറൂഫ് മാസ്റ്റര്‍, സത്താര്‍ വളക്കൈ, ശൗക്കത്തലി മട്ടന്നൂര്‍, അബൂബക്കര്‍ യമാനി, ഗഫൂര്‍ ബാഖവി, ജുനൈദ് ചാലാട്, റഹ്മത്തുള്ള പുല്ലൂപ്പി സംസാരിച്ചു.