കൂടാതെ, വിശുദ്ധ ഹറമിന്റെ ടെറസ്സും അണ്ടർ ഗ്രൗണ്ടും അടച്ചിട്ടുണ്ട്. ഹറംകാര്യ വകുപ്പ് മേധാവി ശൈഖ് ഡോ. അബ്ദുറഹ്മാൻ അൽസുദൈസ് ആണ് ടെറസ്സും അണ്ടർഗ്രൗണ്ടും അടക്കുന്നതിന് നിർദേശിച്ചത്. വിശുദ്ധ ഹറമിലും മസ്ജിദുന്നബവിയിലും 100 ശതമാനവും ശുദ്ധമായ വായു ഉറപ്പുവരുത്തുന്നതിന് എയർകണ്ടീഷനിംഗ്, വെന്റിലേഷൻ സംവിധാനങ്ങൾ അണുവിമുക്തമാക്കുന്നതിനുള്ള ജോലികൾ കൂടുതൽ ഊർജിതമാക്കാനും ഉത്തരവുണ്ട്.  ശൈഖ് ഡോ. അബ്ദുറഹ്മാൻ അൽസുദൈസ് നിർദേശം നൽകിയിട്ടുണ്ട്. എയർ കണ്ടീഷനർ യൂനിറ്റുകൾ പതിവായി അണുവിമുക്തമാക്കുന്നതിനും ഫിൽറ്ററുകൾ മാറ്റാനും നിർദേശമുണ്ട്. ചുരുങ്ങിയത് ഒമ്പതു തവണ വീതം വായു ഫിൽറ്റർ ചെയ്യുന്നതോടൊപ്പം അൾട്രാവയലറ്റ് രശ്മികൾ ഉപയോഗിച്ച് വായു അണുവിമുക്തമാക്കുകയും ചെയ്യുന്നുണ്ട്. ഇതിനു ശേഷമാണ് ഇരു ഹറമുകളിലേക്കും ശീതീകരിച്ച വായു പമ്പ് ചെയ്യുന്നത്. മൂന്നു ഘട്ടങ്ങളിലൂടെ കടത്തിവിട്ട് 100 ശതമാനവും ശുദ്ധമായ വായു ഹറമിനകത്തും മസ്ജിദുന്നബവിക്കകത്തും ഉറപ്പുവരുത്തുന്നുമുണ്ട്.