പട്ടാമ്പി: പട്ടാമ്പി ഗവ. സംസ്‌കൃത കോളജില്‍ കഴിഞ്ഞ ദിവസം നടന്ന സംഘര്‍ഷവുമായി ബന്ധപ്പെട്ട ് രണ്ടു പേരെ പൊലിസ് പിടികൂടി. പട്ടാമ്പി ശങ്കരമംഗലം പൂവത്തിങ്കല്‍ പ്രശാന്ത് (19) കുലുക്കല്ലൂര്‍ മാപ്പാട്ടുകര തോട്ടുങ്ങല്‍ ജമാല്‍ (19 ) എന്നിവരെയാണ് പട്ടാമ്പി സി.ഐ പി.എസ് സുരേഷ്  അറസ്റ്റു ചെയ്തത്. കോളജില്‍ കഴിഞ്ഞ ദിവസം ഇരുവിഭാഗം വിദ്യാര്‍ഥികള്‍ തമ്മിലുണ്ടായ സംഘര്‍ഷത്തില്‍ നിരവധി വിദ്യാര്‍ഥികള്‍ക്ക് മാരകമായി പരുക്ക് പറ്റിയിരുന്നു. തുടര്‍ന്ന ഇരുവിഭാഗങ്ങളുടെയും പരാതി പ്രകാരം കൊലപാതക ശ്രമം അടക്കമുള്ള വകുപ്പുകള്‍ പ്രകാരം കേസുകള്‍ രജിസ്റ്റര്‍ ചെയ്തിരുന്നു.
കേസില്‍ ഇനിയും പ്രതികള്‍ പിടിയിലാവാനുണ്ട്. വരും ദിവസങ്ങളില്‍ മുഴുവന്‍ പ്രതികളും പിടിയിലാവുമെന്നാണ് സൂചന. പട്ടാമ്പി സി.ഐ പി.എസ് സുരേഷിന്റെ  നേതൃത്വത്തിലുള്ള സംഘമാണ് കേസ് അന്വേഷിക്കുന്നത്. പട്ടാമ്പി കോടതിയില്‍ ഹാജരാക്കിയ പ്രതികളെ കോടതി റിമാന്‍ഡ് ചെയ്തു.