മലപ്പുറം: പി.എം ഹനീഫ് സ്മരണാര്‍ഥം എം.എസ്.എഫ് ജില്ലാ കമ്മറ്റിയുടെ നേതൃത്വത്തില്‍ മലപ്പുറം ഭാഷാസമര സ്മാരക ഹാളില്‍ ആരംഭിക്കുന്ന ലൈബ്രറിക്കു തുടക്കമായി. പി.എന്‍ പണിക്കരുടെ ചരമദിനമായ വായനാദിനത്തില്‍ മുസ്‌ലിംലീഗ് ദേശീയ ട്രഷറര്‍ പി.കെ കുഞ്ഞാലിക്കുട്ടി ലോഞ്ചിംഗ് നിര്‍വഹിച്ചു. എം.എസ്.എഫ് ജില്ലാ പ്രസിഡന്റ് ടി.പി ഹാരിസ് അധ്യക്ഷനായി. എംഎസ്എഫ് മുന്‍ ജില്ലാ ജനറല്‍ സെക്രട്ടറിയായിരുന്ന കെ.എം ഷാഫി രചിച്ച വിദ്യാര്‍ഥി രാഷ്ട്രീയം പുസ്തക പ്രകാശനവും നടന്നു. ചന്ദ്രിക പത്രാധിപര്‍ സി.പി സൈതലി അനുസ്മരണ പ്രഭാഷണം നടത്തി. മുസ്‌ലിംലീഗ് ജില്ലാ ജനറല്‍ സെക്രട്ടറി അഡ്വ: കെഎന്‍എ ഖാദര്‍, എംഎസ്എഫ് സംസ്ഥാന പ്രസിഡന്റ് ടി.പി അഷ്‌റഫലി, എന്‍.കെ അഫ്‌സല്‍ റഹ്മാന്‍, ടിവി ഇബ്രാഹിം എംഎല്‍എ, പി ഉബൈദുല്ല എംഎല്‍എ, യൂത്ത്‌ലീഗ് ജില്ലാ പ്രസിഡന്റ് നൗഷാദ് മണ്ണിശ്ശേരി, ജനറല്‍ സെക്രട്ടറി ഉസ്മാന്‍ താമരത്ത്, എംഎസ്എഫ് ജില്ലാ ജനറല്‍ സെക്രട്ടറി വി.പി അഹമ്മദ് സഹീര്‍, ഷമീര്‍ ഇടിയാട്ടില്‍, മുജീബ് കാടേരി, വി മുസ്തഫ പ്രസംഗിച്ചു.