മലപ്പുറം: ഏപ്രില്‍ 12നു നടക്കുന്ന ലോക്‌സഭാ ഉപതെരഞ്ഞെടുപ്പിനോടനുബന്ധിച്ചുള്ള മുഴുവന്‍ പ്രവര്‍ത്തനങ്ങള്‍ക്കും കാമറ നിരീക്ഷണം ഏര്‍പ്പെടുത്തുന്നു. തെരഞ്ഞെടുപ്പ് സംബന്ധമായി രൂപംനല്‍കുന്ന വിവിധ സ്‌ക്വാഡുകളുടെയും വരണാധികാരി, ഉപവരണാധികാരിമാര്‍, ജനറല്‍ ഒബ്‌സര്‍വര്‍മാര്‍, ചെലവ് നിരീക്ഷകര്‍ എന്നിവരുടെയുംകൂടെ തെരഞ്ഞെടുപ്പ് കമ്മിഷന്റെ നിര്‍ദേശാനുസരണം വീഡിയോഗ്രാഫര്‍ അനുഗമിക്കും.
രാഷ്ട്രീയ പാര്‍ട്ടികളുടേയും സ്ഥാനാര്‍ഥികളുടേയും പ്രചാരണം, പൊതുയോഗങ്ങള്‍, മറ്റു തെരഞ്ഞെടുപ്പ് പ്രവര്‍ത്തനങ്ങള്‍ എന്നിവ നിരീക്ഷിക്കാനാണിത്. ഇതിനായി പ്രതിദിനം ചുരുങ്ങിയത് 60 എണ്ണമോ അതില്‍ കൂടുതല്‍ യൂനിറ്റുകളോ അനുവദിക്കാന്‍ കഴിയുന്ന വിഡിയോഗ്രാഫര്‍മാരില്‍നിന്നു ജില്ലാ തെരഞ്ഞെടുപ്പ് വിഭാഗം അപേക്ഷ ക്ഷണിച്ചിട്ടുണ്ട്. ഫോണ്‍: 0483 2734990.