കോതമംഗലം: റോട്ടറി ക്ലബ്ബിന്റെ നേതൃത്വത്തില്‍ ആരംഭിക്കുന്ന യോഗ പരിശീലന കോഴ്‌സിന്റെയും യോഗ സെന്ററിന്റെയും ഉദ്ഘാടനം നാളെ വൈകിട്ട് നാലിന് റോട്ടറി ഭവനില്‍ ഹൈക്കോടതി ജഡ്ജി എ.എം ബാബു നിര്‍വഹിക്കും. ആന്റണി ജോണ്‍ എം.എല്‍.എ മുഖ്യപ്രഭാഷണം നടത്തും.
റോട്ടറി ക്ലബ്ബ് പ്രസിഡന്റ് ബേസില്‍ എബ്രാഹം ചടങ്ങില്‍ അധ്യക്ഷനാകും. യോഗാചാര്യ എം.സുരേന്ദ്രനാഥ്, ഡോ.വിജയന്‍ നങ്ങേലില്‍, അഡ്വ.കെ.ഐ ജേക്കബ്, ഡോ.ലിസി ജോസ്, എ.ജി ജോര്‍ജ്ജ്, രഞ്ജിനി രവി, കെ.എ നൗഷാദ്, ജബിന്‍ മാത്യു എന്നിവര്‍ പ്രസംഗിക്കും.