ആലപ്പുഴ : തെക്കനാര്യാട് എസ്.കെ.എസ്.ബി.വി സില്‍വര്‍ ജൂബിലിയോടനുബന്ധിച്ച് സംസ്ഥാന വ്യാപകമായി നടക്കുന്ന യൂണിറ്റ് പ്രീ കോണ്‍ഫ്രന്‍സിന്റെ ഭാഗമായി ആലപ്പുഴ തെക്കനാര്യാട് മുനവ്വിറുല്‍ ഇസ്ലാം മദ്രസിയില്‍ നടന്ന കോണ്‍ഫ്രന്‍സ് സദര്‍ മുഅല്ലിം ബഷീര്‍ ദാരിമി എം എച്ച് ഡി ഉദ്ഘാടനം ചെയ്തു. എസ്.ബി.വിയുടെ പ്രവര്‍ത്തനങ്ങള്‍ സമൂഹത്തിന് മാതൃകയാണെന്ന് അദ്ദേഹം പറഞ്ഞു. വൈസ് പ്രസിഡന്റ് ഇര്‍ഫാന്‍ നിസാറിന്റെ ഖിറാഅത്തോടുകൂടി ആരംഭിച്ച പരിപാടിയില്‍ എസ് കെ ജെ എം ആലപ്പുഴ റെയ്ഞ്ച് ജോയിന്റ് സെക്രട്ടറി നൂഹ്മാന്‍ കുട്ടി മുസ്ലിയാര്‍ അധ്യക്ഷത വഹിച്ചു.
എസ്.ബി.വി റെയ്ഞ്ച് ജനറല്‍ സെക്രട്ടറി റിഫാസ് സിദ്ധീഖ് സ്വാഗതം പറഞ്ഞു. തലവടി നൂറുല്‍ ഇസ്ലാം മസ്ജിദ് ചീഫ് ഇമാം ഷാഫി ഫൈസി മുഖ്യപ്രഭാഷണം നടത്തി. വൈസ് പ്രസിഡന്റ് മുഹമ്മദ് ജൈസല്‍ റെയ്ഞ്ച് കൗണ്‍സിലര്‍ മുഹമ്മദ് ഷാഫി,അബ്ദുല്‍ കലാം മുസ്ലിയാര്‍, ഷമീര്‍ പൊങ്ങശേരി, ആദില്‍ തുടങ്ങിയവര്‍ പ്രസംഗിച്ചു.