മറയൂര്‍: കാന്തല്ലൂര്‍ റേഞ്ച് കൂടക്കാട് ചന്ദന റിസര്‍വില്‍ നിന്നു ചന്ദനം മോഷ്ടിക്കാന്‍ ശ്രമിച്ച കേസില്‍ ഒരു വര്‍ഷമായി ഒളിവിലായിരുന്ന പ്രതി പിടിയിലായി. മറയൂര്‍ നെല്ലിപ്പെട്ടി ആദിവാസി കോളനി സ്വദേശി അശ്വമേഘന്‍ (സതീഷ് 28) ആണു വനംവകുപ്പിന്റെ പിടിയിലായത്.
2017 ജനുവരി 19നു ചന്ദനം മോഷ്ടിക്കാന്‍ ശ്രമിച്ചതിനെ തുടര്‍ന്നു താല്‍ക്കാലിക വാച്ചര്‍ മഹാദേവന്‍, പെരിയകുടി സ്വദേശി മഹാദേവന്‍ എന്നിവരെ അറസ്റ്റ് ചെയ്തിരുന്നു. ഇവര്‍ നല്‍കിയ മൊഴിയുടെ അടിസ്ഥാനത്തിലാണ് അശ്വമേഘനെ അറസ്റ്റ് ചെയ്തത്. ഒരു വര്‍ഷം മുമ്പ് പാലക്കാട്ട് 2.2 കിലോ കഞ്ചാവുമായി സതീഷിനെ എക്‌സൈസ് പിടികൂടിയിരുന്നു. തുടര്‍ന്ന് ഇയാള്‍ ജാമ്യത്തിലിറങ്ങി മുങ്ങിനടക്കുകയായിരുന്നു.