കാസര്‍കോട്: മുനിസിപ്പല്‍ ടൗണ്‍ യു.പി സ്‌കൂള്‍ ശതോത്തര ജൂബിലിയാഘോഷം 10 മുതല്‍ 12 വരെ നടക്കുമെന്നു സംഘാടക സമിതി ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു. 10ന് ഉച്ചയ്ക്ക് രണ്ടിനു വിളംബര ഘോഷയാത്ര നടക്കും. 11ന് വൈകുന്നേരം മൂന്നിനു നടക്കുന്ന ഗുരുവന്ദനം പരിപാടി കലക്ടര്‍ കെ ജീവന്‍ബാബു ഉദ്ഘാടനം ചെയ്യും. നഗരസഭാ ചെയര്‍പേഴ്‌സണ്‍ ബീഫാത്തിമ ഇബ്രാഹിം അധ്യക്ഷയാവും. സാംസ്‌കാരിക സമ്മേളനം റവന്യൂ മന്ത്രി ഇ ചന്ദ്രശേഖരന്‍ ഉദ്ഘാടനം ചെയ്യും. എന്‍.എ നെല്ലിക്കുന്ന് എം.എല്‍.എ അധ്യക്ഷനാവും. 12ന് വൈകുന്നേരം അഞ്ചിനു നടക്കുന്ന സമാപന പൊതുസമ്മേളനം എന്‍.എ നെല്ലിക്കുന്ന് എം.എല്‍.എ ഉദ്ഘാടനം ചെയ്യും. തുടര്‍ന്നു കലാസന്ധ്യ നടക്കും. വാര്‍ത്താ സമ്മേളനത്തില്‍ കെ സരോജിനി, പി.ടി ബെന്നി, കെ ഗണേഷ്, ഇ ശാന്തകുമാരി സംബന്ധിച്ചു.