തൊടുപുഴ: തൊടുപുഴ നഗരത്തില്‍ ഇന്നലെ വൈകീട്ടുണ്ടായ കാറ്റിലും മഴയിലും കോതായിക്കുന്ന് ഭാഗത്ത് വന്‍ മരം വീടിനു മുകളിലേക്കു കടപുഴകി. മാതാവും മകനും രക്ഷപ്പെട്ടത് തലനാരിഴയ്ക്കാണ്.
കുഴിമണ്ഡപത്തില്‍ കെ.എച്ച് കനിയുടെ പുരിയിടത്തില്‍ നിന്ന പ്ലാവ് ചുവടെ കടപുഴകി പേഴുംകാട്ടില്‍ സെയ്തു മുഹമ്മദ് റാവത്തറുടെ ഉടമസ്ഥതയിലുള്ള വീടിനു മുകളിലേക്കു പതിക്കുകയായിരുന്നു.
ഈ വീട്ടില്‍ വാടകയ്ക്കു താമസിക്കുന്ന മാതാവും മകനുമാണ് രക്ഷപ്പെട്ടത്. വീടിനു മുകളിലേക്കു പതിച്ച പ്ലാവ് രണ്ട് ശുചിമുറികള്‍ പൂര്‍ണമായും തകര്‍ത്തു.
കെ.എസ്.ആര്‍.ടി.സി - പ്രൈവറ്റ് ബസ് സ്റ്റാന്‍ഡ് റോഡില്‍ മരം വൈദ്യുതി പോസ്റ്റിലേക്ക് ഒടിഞ്ഞുവീണു. ഇവിടെ രാത്രി വൈകിയും വൈദ്യുതി പുനസ്ഥാപിച്ചിട്ടില്ല.