മനില: ഫിലിപ്പീന്‍സില്‍ കൊറോണ വൈറസ് ബാധിച്ച് ഒന്‍പതു പേര്‍ മരിച്ചു. ആവശ്യമായ സുരക്ഷാ സംവിധാനങ്ങള്‍ നല്‍കാത്തതാണ് ഇത്രയും ഡോക്ടര്‍മാരുടെ ജീവന്‍ അപഹരിച്ചതെന്ന് മെഡിക്കല്‍ അസോസിയേഷന്‍ ആരോപിച്ചു.

ഡോക്ടര്‍മാര്‍ തന്നെ വൈറസ് വാഹകരാവുന്ന അവസ്ഥയാണ് ഫിലിപ്പീന്‍സിലെന്നും മെഡിക്കല്‍ അസോസിയേഷന്‍ വൈസ് പ്രസിഡന്റ് ബെനിട്ടോ അറ്റിയെന്‍സ പറഞ്ഞു.

ഇതിനിടെ കൊറോണ ബാധിച്ച് 38 പേര്‍ മരിച്ച ഫിലിപ്പീന്‍സില്‍ ഡോക്ടര്‍മാര്‍ക്ക് പോലും സുരക്ഷാ സംവിധാനങ്ങളില്ലാത്തത് ഭീതിയുളവാക്കിയിട്ടുണ്ട്.

അഞ്ചരക്കോടി ജനങ്ങള്‍ വസിക്കുന്ന പ്രധാന ദ്വീപായ ലുസോനില്‍ രണ്ടാഴ്ചക്കാലമായി ലോക്ഡൗണാണ്. ആവശ്യമായ സുരക്ഷാ സംവിധാമില്ലാത്തിനു പുറമെ, ആശുപത്രികള്‍ നിറഞ്ഞുകവിയുന്നതും ഫിലിപ്പീന്‍സില്‍ വലിയ ഭീഷണിയാണ്.

ഇനിയൊരു രോഗിയെപ്പോലും പ്രവേശിപ്പിക്കാന്‍ ഇടമില്ലെന്ന് മനിലയിലെ പ്രധാന മൂന്ന് ആശുപത്രികള്‍ വ്യക്തമാക്കി.

നിരവധി ഡോക്ടര്‍മാര്‍ കൊറോണ ബാധ സംശയിക്കുന്നതിനാല്‍ രോഗികളെയൊന്നും ശുശ്രൂഷിക്കുന്നില്ല. നൂറു കണക്കിന് മെഡിക്കല്‍ സ്റ്റാഫുകള്‍ 14 ദിവസത്തെ സെല്‍ഫ് ക്വാറന്റൈനിലുമാണ്.