ആലപ്പുഴ: സാങ്കേതിക വിദ്യയുടെ പുരോഗതി നവ വൈജ്ഞാനിക മേഖലകള്‍ തുറക്കപ്പെടുന്നുണ്ടെങ്കിലും വായനയിലൂടെ ലഭ്യമാകുന്ന അറിവിന്റെ മാധുര്യത്തിനും സംതൃപ്തിക്കും പകരമാകുന്നില്ലെന്ന് സമസ്ത കേരള ജംഇയ്യത്തുല്‍ ഉലമ ജില്ലാപ്രസിഡന്റ് സി.മുഹമ്മദ് അല്‍ഖാസിമി പറഞ്ഞു.
എസ്.കെ.എസ്.എസ്.എഫ് ആലപ്പുഴ മേഖലാ കമ്മിറ്റിയുടെ ആഭിമുഖ്യത്തില്‍ സംഘടിപ്പിച്ച വായനാദിനാചരണം ഉദ്ഘാടനം ചെയ്തു സംസാരിക്കുകയായിരുന്നു അദ്ധേഹം. വിജ്ഞാനവുമായി ബന്ധപ്പെട്ടുള്ള പ്രവര്‍ത്തനമായിരിക്കണം യുവതലമുറ സ്വീകരിക്കേണ്ടത്.
വായന കുറയുമ്പോള്‍ സംസ്‌കാരവും പൈതൃകവും മരിക്കുന്നുവെന്നും അദ്ധേഹം പറഞ്ഞു. പ്രബോധനത്തിനെത്തിയ ചെമ്മാട് ദാറുല്‍ ഹുദാ ഇസ്‌ലാമിക് യൂണിവേഴ്‌സിറ്റി വിദ്യാര്‍ത്ഥികള്‍ക്ക് യാത്രയയപ്പ് നല്‍കി.
മേഖലാ പ്രസിഡന്റ് പി.ജെ അഷ്‌റഫ് ലബ്ബാ ദാരിമി അധ്യക്ഷത വഹിച്ചു.