കോഴിക്കോട്: നിര്‍ത്തലാക്കിയ ദുബൈ-കോഴിക്കോട് സര്‍വിസ് പുനരാരംഭിക്കുന്നതിനു മുന്നോടിയായുള്ള സുരക്ഷാ വിലയിരുത്തല്‍ ഉള്‍പ്പെടെയുള്ള തുടര്‍നടപടികള്‍ക്ക് സന്നദ്ധമാണെന്ന് എമിറേറ്റ്‌സ് എയര്‍ലൈന്‍സ്. ഇതിനായി എമിറേറ്റ്‌സിന്റെ ഇന്ത്യാ-നേപ്പാള്‍ റീജ്യന്‍ വൈസ് പ്രസിഡന്റിനെ ചുമതലപ്പെടുത്തുമെന്ന് എമിറേറ്റ് ചെയര്‍മാന്‍ ഷെയ്ഖ് അഹമ്മദ് ബിന്‍ സയിദ്, കൊമേഴ്‌സ്യല്‍ പ്രസിഡന്റെുമാരായ മജീദ് അല്‍ മുഅല്ല, അഹമ്മദ് ഖൂറി എന്നിവരടങ്ങുന്ന ഉന്നതാധികൃതര്‍ മലബാര്‍ ഡെവലപ്‌മെന്റ് കൗണ്‍സില്‍ ഭാരവാഹികളെയും വിവിധ സംഘടനാ പ്രതിനിധികളെയും അറിയിച്ചു.
സര്‍വിസ് പുനരാരംഭിക്കണമെന്നാവശ്യപ്പെട്ട് ദുബൈയിലെ എമിറേറ്റ്‌സ് ഹെഡ് ക്വാര്‍ട്ടേഴ്‌സില്‍ എത്തിയപ്പോഴാണ് ഉറപ്പുലഭിച്ചതെന്ന് മലബാര്‍ ഡെവലപ്‌മെന്റ് കൗണ്‍സില്‍ പ്രസിഡന്റ് സി.ഇ ചാക്കുണ്ണി, ജനറല്‍ സെക്രട്ടറി എം.കെ അയ്യപ്പന്‍ എന്നിവര്‍ അറിയിച്ചു.